Todos os afeccionados que queiran achegarse están convidados ámbolos dous días en horario de sete a oito da tarde. Esta actividade complementa a exposición de Poldras que pode visitarse dende o pasado 20 de marzo. Unha mostra na que o gravador fai un traballo desacougante e rico en matices coa figura humana, á que descompón nun gran número de variacións en papel, usando a técnica do gravado colográfico, ata acadar as tres dimensións, en esculturas de barro de pequeno formato, ou pezas de tamaño natural en papel e alma de metal. Ademáis o artista realiza demostracións sobre a técnica do gravado cun tórculo instalado na sala. A mostra poderá visitarse ata o 17 de abril.