No acto presentarase o cadro dramático de Son Radiofusión que se chamará “Merlín e familia”. Tamén se anunciará a primeira produción de “Merlín e familia”, o podcast “Os incurábeis”, unha adaptación da novela homónima de Antonio Tizón na que participan máis de 30 actores e actrices de Fene, Ferrol e A Coruña. 
Amor pola vida
A sinxeleza, a falta total dunha obsesión polo acumulo de cousas, sobre todo polos cartos, caracterizaba a personalidade de Álvaro Cunqueiro. Era feliz tendo uns libros, paseando, facendo tertulia cos amigos, tendo cabeza para poder pensar, crear e dialogar cos escritores. Despreocupábase dos resultados materiais, polo mercantilismo. Deixou unha herencia que non morrerá endexamais. Ao autor do libro “A cociña galega” gustoulle comer e comeu con apetito, pero apreciaba as cousas sinxelas, os produtos tradicionais galegos, a cociña caseira, gozada con grande amor e devoción. O amor pola vida era total, sen reservas, segundo indica César Cunqueiro. A Idade Media e Bizancio eran dúas obsesións para o escritor de Mondoñedo. Pero a súa obra está tamén moi vencellada á terra, aínda que poida salientarse o papel da imaxinación sobre todo nunha época na que no conxunto do estado non reinaba máis que a novela realista, entendida nun sentido estreito. 

Fotografía: Xan Xe Corral