O técnico do Maniños, Adrián Martínez, analizou o encontro destacando o dominio territorial dos seus na primeira metade, onde gozaron de varias ocasións claras que non lograron materializar. "Foi o partido esperado: moi competido, bronco e con moito balón parado", explicou o adestrador. O gol do triunfo chegou no minuto 63 da man de Javi González. A xogada naceu nun saque de banda colgado ao primeiro pau; tras un primeiro remate de cabeza que petou na madeira, o propio Javi aproveitou o rexeite para enviar o balón ao fondo das mallas. Malia que o Maniños tivo opcións á contra para sentenciar, o equipo tivo que "saber sufrir" nos instantes finais ante o pulo local.

Derbi contra O Val na final

O rival do Maniños será o SDR O Val de Narón, que tamén selou o seu pase pola mínima (0-1) ante o Galicia de Caranza cun gol nos últimos compases do partido.

Malia que a ilusión pola Copa é máxima, o técnico fenés mantén os pés no chan: "Na liga queremos competir o que queda".

Fotografía Xan Xe