Unha homenaxe a Miro Casabella celebraráse o vindeiro sábado 5 de xullo no Valadouro. Comezará xa pola mañá, coa colocación dunha peza cerámica na casa natal do homenaxeado, amenizada polo grupo de música tradicional Amado Lar, e na que coparecerán representantes do Concello e da Vicepresidencia da Deputación, seguida dun xantar popular no parque da localidade, no que invervirán varios persoeiros da cultura e das letras, como Vicente Araguas, Lois Diéguez, Manuel Lourenzo, Arturo Mogo ou David Otero. A área de Cultura da Deputación de Lugo agasallará aos participantes co libro-CD “Miro Casabella e a nova canción galega”, de Xan Fraga.

O acto continuará pola tarde cun concerto baixo o lema "Por ceibar a voz" na Praza de Ferreira, no que actuarán artistas da talla de A Quenlla, Arcadio, Bieito Romero, de Luar na Lubre, David Bellas, García e Leo, Quintas Canella, Tino Baz, e Pilocha.