Este recoñecemento destaca, tamén, a importancia do clube na tradición deportiva da urbe. “Ferrol é unha cidade ligada ao deporte, e o Parrulo representa o esforzo, o traballo en equipo e o ferrolanismo”, afirmou Rey Varela. Para o rexedor, o clube é inspiración tanto para os afeccionados como para as novas xeracións de deportistas, animando a seguir perseverando e mantendo altos os valores do deporte. “Son un referente para as novas xeracións e para a canteira do Parrulo, con equipos como o voso Ferrol sempre seguirá no máis alto das categorías e competicións”. Rey Varela destacou “o sentimento de orgullo que temos os ferroláns máis que nunca pola nosa cidade, polo que somos, polos éxitos deportivos e polo que xuntos conseguimos” e invitou aos ferroláns e veciños da comarca a asistir ao pregón o próximo día 22 ás 21.30 horas na praza de Armas, e a continuación actuará o cantante Omar Montes.