Trátase, concretamente, da recalificación de terreos na zona de Pardiñas, que pasarían a ser solo urbanizable delimitado de uso industrial, co fin de crear un polígono industrial para grandes empresas de máis de 1 millón de metros cadrados. Tal e como explicou o alcalde, fíxose unha sondaxe de empresas que estarían interesadas en establecerse en dito polígono, unha sondaxe que demostra a necesidade de máis solo industrial no municipio tanto para a instalación destas como doutras empresas e co que se quere facer fincapé na Xunta para que teña en conta esta cuestión.

Tal e como explicou o alcalde, Manuel Regos, “ dende a nosa chegada ao goberno de Ordes estivemos traballando nesta cuestión que vemos de vital importancia para o desenvolvemento do municipio, e a través da que se crearía emprego para os nosos veciños e veciñas, sobre todo tendo en conta o momento que estamos vivindo”.

Dende o goberno local explicaron que esperan que a Xunta traballe coa maior celeridade posible e teña en conta este proxecto de vital importancia para Ordes.