Diante da delicada situación das finanzas municipais na época, López Trigo e a Sociedad Crédito Gallego encargaronse da subasta, adxudicación e financiación da obra. Trigo era o presidente da entidade creada en 1875. Tamén foi o primeiro presidente da Cámara de Comercio da Coruña. Froito das súas xestións, construiuse en 1889 o Lazareto de Oza, crucial para o mantemento do tráfico do porto da cidade herculina. Presidiu a Xunta de Obras do Porto, foi tenente de alcalde da Coruña e cónsul de Portugal. José López Trigo, natural de Villalón de Campos en Valladolid, comerciante de tecidos e consignatario de buques faleceu sen descendencia o 23 de novembro de 1901.

Retrato de José Lopez Trigo extraido do libro "A festa do Seixo na beira do mar... Rosalía de Castro e a fábrica" de Carneiro, Gómez, Rodriguez e Sanfiz.