A Asociación de Gaiteir@s Galeg@s organiza de novo a que será a XX edición da Mostra de Música Tradicional do Domingo das Mozas, mostra que contará coas actuacións de 13 grupos de música tradicional galega, que encherán da nosa música o casco vello da cidade no día máis emblemático das festas.

Os grupos participantes na mostra actuarán en horario de mañá e de tarde en distintas portas da muralla, prazas e rúas, de tal maneira que toda a xente que entre na cidade, sexa recibido co son da nosa musica tradicional.

Os grupos participantes son os seguintes:

Abertal                                                               A Rúa

A Volta do Agro                                              Lugo

Arume                                                 Boiro

Banda de Gaitas Sons da Chaira   Terra Cha

Caivanca                                                            Lugo

Cántigas e Frores                                           Lugo

Folquiada                                                          Lugo

Lagharteiras                                                     Mos

Os Campantes da Baña                A Baña

Os de Algures                                  Pontevedra

Raparigos                                                          Ferrol

Reviravolta                                                       Lugo

Xaora                                                                   Lugo

Pola mañá os 13 grupos sairán dende a Praza de Santa María ás 11.30 horas facendo un pasarrúas polas distintas rúas do centro urbán amurallado, ata as 14:00h.

Pola tarde repetiranse as actuacións a partir das 17.30 horas, para logo rematar ás 19.00 horas.

Esta mostra, na que a Asociación de Gaiteir@s Galeg@s  xunta ano tras ano aos mellores grupos de gaitas de Galicia, ten como finalidade a exaltación da música tradicional galega servindo como medio de difusión para que a nosa música chegue ao maior número de xente posible.

É a única mostra deste tipo que se fai nunhas festas patronais e consegue que Lugo sexa referencia en toda Galicia, pois demostra que a nosa música tradicional pode ser a protagonista da festa na rúa.