O servizo de recollida de voluminosos resolto ata setembro

O servizo de recollida de voluminosos resolto ata setembro

07 de Agosto, 2009 - 12:00 h. | Publicada por Radio Fene

O Concello de Fene retomou o servizo de recollida de voluminosos, correspondente aos meses de xullo e agosto, e xa comezou negociacións para o servizo permanente a partir do 1 de setembro, data no que Sogama abandona esta tarefa. Malia todo o goberno municipal de Fene ven de presentar unha moción á negativa de Sogama de recoller os enseres do concello. A moción presentada esta semana debateráse no seguinte pleno.

Onte pola tarde quedaba resolto o servizo de recollida de voluminosos para os veciños e veciñas de Fene parado ante a negativa de Sogama para recoller os enseres depositados polos feneses/as (colchóns, mobles).

 Parte da recollida de xullo, que non se puido realizar, se retomará de inmediato. O edil de Obras e Servizos, José Antonio López, reuníase onte con membros da empresa que durante o mes de agosto se farán  cargo dos servizos pendentes de xullo e os do presente mes.

Trátase dun xestor autorizado, co que o goberno municipal están a realizar tamén as primeiras negociacións de cara a realización dos servizos de recollida a partir do mes de setembro. Pola súa banda, o Alcalde de Fene Iván Puentes declarou que ó principal obxectivo era non deixar este servizo sen funcionamento. 

A pesares de todo os socialistas continuarán coas demandas solicitadas á Xunta. Reclaman medidas como a instalación no concello de Fene e Cabanas do punto limpo de Vilar do Colo, a incentivación da construcción de puntos limpos nos concellos onde aínda non existan, por a disposición dos municipios galegos a relación de xestores autorizados para a recollida de calquera resíduo voluminoso  e as tarifas oficiais establecidas.

Asemade demandan a elaboración dun calendario de inspeccións ambientais específicas para comprobar o uso das autorizacións dos xestores de residuos, a financiación pola Xunta dos diferenciais de custo entre as tarifas que aboaban a Sogama e os novos custos derivados pola nova decisión para non ter unha maior carga económica.

Institucional