O sabado será o habitual dos últimos anos e o domingo poráse do revés. Na mesma zona pero do revés, segundo contou Ameneiro. Tamén nesta ocasión convidouse a todolos gañadores das nove edicións da historia do Slalom. Fátima Ameneiro recordou a Manolo Lojo, gañador en duas ocasións e que faleceu nun accidente de tráfico. Competirán cos actuais campións.

O Slalom Scratch Fene repartirá un total de 1.860€ en premios e 27 trofeos, entre os que destacan o Trofeo de Debutantes Talleres Gandoy ( ao que se presentan tres membros do club fenés). O Trofeo Feminino Ortegal Oil (unha candidata) e o Trofeo Scratch Fene á Mellor Escudería patrocinado por Talleres Neumáticos+ Gas Sport.

A entrega de trofeos do sabado está prevista para as 22.00h, no salón de plenos da casa do concello a onde chegarán os participantes en carabana, quedando os coches expostos na praza.
A encargada das relacións cos participantes, Andrea Rico, explicou esta mañá os horarios. O sabado ás 10,30 comezará a primeira manga de entrenamento. Pola tarde ás 16,30h; ás 18.30h empezará a proba nocturna. O Domingo comezarán as probas oficiais ás 11,30h A publicación de resultados faráse ás tres da tarde.

A Concelleira de deportes, Rocío Bértoa, aproveitou a presentación do Slalom para felicitar a Fátima Ameneiro pola recén consecución do Campionato de España de Copilotos. Bértoa convidou aos veciños a visitar a exposición que resune os dez anos do Slalom Scratch Fene e onde se recollen as imaxes dos gañadores, do público e as clasificacións de cada ano.

De momento, no Slalom 2014 están inscritos 30 corredores, sete da escudería fenesa, pero agardan que antes do sabado se sobrepasen os 40 como o ano pasado.