“A parroquia sempre se porta, non podemos queixarnos”, asegura Bruno. Jael incorporouse este ano á comisión  e valora positivamente a experiencia. “Estou contento, paréceme divertido, ao mellor é un pouco latoso pedir polas casas porque hai xente que non está e hai que facer repaso”. A Charanga Carmiña percorrerá o día 17 Sillobre anunciando os festexos. O Grupo Pasión e a Orquestra Mago actuarán o xoves 18. A Orquestra Trébol e o Grupo CQC animarán o ambiente o venres 19. 

En Sillobre tamén celebran a festa de San Ramón e San Roque, do 30 de agosto ao 1 de setembro. Este ano os festexos caerán en fin de semana. Iso ten un lado positivo, pero tamén inconvenientes. “As orquestras son máis caras, hai que axustar o peto, non podes xogar con cartos que non tes”, comenta Bruno. Ademais da Charanga Carmiña, o programa festivo inclúe a Orquestras Galia e Atenas e os Dúos Boreal e Estrellas.