ovalnamemoria.com Un proxecto ideado como lugar de encontro para todas as persoas que desexen colaborar coa recompilación de fotografias do Val, as súas xentes e costumes co único fin de preservar o patrimonio histórico desta parroquia de Narón. Daniel Ameneiros impulsa este proxecto sen anímo de lucro. Ademais da páxina web,a iniciativa xa conta con redes sociais en Facebook e Instagram. 

“A iniciativa tivo moi boa recepción. Xurdiu polo meu interese en que non se perda o patrimonio das fotografías antigas. A páxina actual comezou no mes de xullo, porque a mín me gusta moito a imaxe” salienta o promotor desta iniciativa Daniel Ameneiros.  “Eu escaneo as imaxes, as vou subindo na web e recompilando datos en torno ás fotografías” suliña este deseñador que estudou Belas Artes. “Nunha feira vendian fotografias antigas, tres fotos por un euro, como unha cousa sen valor, e non quero que as fotos do Val acaben nun mercadiño”. “Grazas á iniciativa, localicei fotografias do meu bisabó”. “Teño tamén outra imaxe dun veciño do Val que morreu de pánico na cama, despois de ver un fusilamento no cemiterio despois do golpe de estado de 1936”.

Imaxe: Daniel Ameneiros en Radio Fene