A artista rende tributo con esta colección de cerámicas ás meigas galegas. Mulleres boas e sabias -de aí o título da exposición- que antano desempeñaban un papel fundamental na nosa cultura como sanadoras do corpo e do espírito empregando coñecementos ancestrais e remedios naturais. A colección está viva e segue ampliándose. Sempre co obxectivo de por en valor a nosa tradición. Para que non esmoreza, explicou a artista en Radio Fene. “Gústame e coñezo bastante o mundo das herbas. Para documentarme tiven que buscar bastante. Empecei ler e a buscar libros”. Romero lamenta a perda da tradición oral. Da cerámica defende que non é un arte menor. “Para min é a maior, engloba todas as artes, escultura, pintura..” De nena, Carme Romero quería ser profesora. E acabou por selo, transmitindo os seus coñecementos artísticos coa cerámica. Iso si, reflexionando sobre a súa actividade docente, advirte de que o traballo coa cerámica é difícil e non valen as présas.

Na imaxe exposición en San Sadurniño.

Fotografía Xan Xe