A Xunta de Galicia en cooperación coas entidades locais debía impulsar iniciativas de seguimento das aves mariñas, pola súa condición de recurso turístico para a zona de Estaca de Bares. Un espazo on line no que haxa información actualizada sobre o que está ocorrendo aquí, sobre o que se pode observar día a día, reforzaría esa canle de distribución de destinos turísticos, segundo o ornitólogo Antonio Sandoval. Autor dun libro sobre As aves mariñas de Estaca de Bares, Sandoval destaca que se trata do cabo máis setentrional da península. Por alí pasan cada outono máis dun millón de aves dunhas 50 especies diferentes. Agora mesmo pasan por Estaca cinco especies diferentes de pardelas, catro de palleiras, mascatos, carráns comúns, etcétera. Co outono comezarán a chegar, carolos e araos. Estaca de Bares, é o mellor lugar de Europa para ver aves mariñas.