O verán máis alá abriu en Fene con 127 participantes

O verán máis alá abriu en Fene con 127 participantes

29 de Xuño, 2009 - 12:00 h. | Publicada por Radio Fene

127 nenos e nenas incorporáronse esta mañán no Verán Máis alá, unha iniciativa formativa e de ocio que durará todo o mes de xullo. A piscina municipal, o parque da Galaxia Imaxinaria, o parque de educación viaria, excursións e festa final no Pote, son as actividades que realizarán fora do recinto escolar de Centieiras que é o centro de operacións.

O Verán Máis Alá permite que nenos e nenas se divirtan e aprendan durante o período vacacional, mentres, as familias contan cun recurso que lles permita compatibilizar a súa vida persoal e laboral. É un espazo de xogos no que practicar e fomentar o galego como lingua de uso, promovendo os valores da igualdade, a participación e o traballo en grupo. Dende aprender a facer galletas ata xogar a calquer deporte, pasando polo achegamento a outras culturas, de todo farán no Verán máis alá.

Verán Máis Alá vai dirixido a nenos e nenas de entre 3 e 12 anos e desenvolverase do 29 de xuño ao 31 de xullo no CEIP Centieiras (Perlío)
Os rapaces incorpóranse dende as 8 da mañán ata as 10, segundo as necesidades familiares. 

Sociedade
  • 112 lecturas