Unha das accións da Asemblea de Mulleres de máis repercusión foi a protesta na inauguración do Instituto de BUP de Fene o 8 de xaneiro de 1985. Estaba anunciada a presencia do presidente da Xunta Gerardo Fernández Albor, que ao final non veu e que foi sustituido polo conselleiro de Educación Victor Vázquez Portomeñe. As mulleres foron trasladar a súa protesta polos despidos de Astano indignadas pola falta de apoio do goberno autónomo. Tiraron ao chan os pinchos que estaban preparados e impediron a saida do coche do conselleiro, ata que o alcalde de Fene intercedeu para que deixaran a via libre. Pero, ás mulleres de Astano, non había silveira que as atrancara.

Na imaxe, a alcaldesa de Fene Sandra Permui e a directora de Navantia Fene Carla Chawla presentando o programa "Mulleres da reconversión" nunha conversa en Radio Fene.