O conxunto dirixido por Jesús Peña asinou un partido moi serio (3-0) no que dominou de principio a fin, mantendo o control total do xogo e sentenciando na segunda metade.

Vitoria contundente do Perlío na Primeira Futgal tras superar ao Torre nun encontro onde a seriedade defensiva e a pegada ofensiva foron as claves. Malia que o partido puido cambiar no primeiro minuto cunha clara ocasión visitante que salvou Robert cunha "intervención espectacular", a partir de aí o dominio foi integramente local.

O marcador abriuse no minuto 38, xusto antes do descanso, grazas ao acerto de Iván Sanemeterio. Co 1-0, o Perlío gañou en confianza e, na reanudación, o propio Sanemeterio volveu ver portería no minuto 60 para encamiñar o triunfo co segundo da súa conta particular. Co partido controlado, as ocasións seguiron chegando para os de Jesús Peña. Foi no minuto 66 cando Gabriel Díaz puxo o definitivo 3-0, deixando o choque visto para sentenza e permiti ndo un tramo final sen sobresaltos.

Imaxe de Iván Sanemeterio

Fotografía Xan Xe