O Concello de Fene celebrará mañá un pleno extraordinario para decidir as propostas que lle fará á Deputación para investir os fondos do POS+ Adicional. A Corporación municipal reunirase ás oito e media da mañá deste xoves.

RAFAGA

Cambios no horario da Casa da Cultura de Fene. A Concellería de Cultura informa dos cambios previstos para os vindeiros días que afectarán as distintas dependencias situadas na Casa da Cultura. Biblioteca Municipal, Museo do Humor Xaquín Marín, aula de estudo e sala de exposicións temporais. Venres 31 de outubro: de 10.00 a 14.15 horas (todas as instalacións abertas) e de 19.00 horas ata fin da función (só para acceso á representación de “Retrincos de Castelao”, no salón de actos). Sábado 1 e domingo 2 de novembro todas as dependencias estarán pechadas. O luns dia 3 de novembro abrirán de dez a dúas e cuarto. A partir do martes 4 de novembro retomarase o horario normal de inverno da Casa da Cultura de Fene: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.