O Concello de Fene apoia o acceso a un posto de traballo facilitando formación a colectivos con máis dificultades para acceder ao emprego. Neste mes de decembro comezan novas iniciativas de formación para facilitar o acceso ao mercado laboral. Mulleres desempregadas poderán participar nunha nova edición do programa integrado de emprego que conta con 100 prazas para os concellos de Fene, Cedeira, Valdoviño, Narón, Neda, Cabanas, Ares ou Mugardos. As mulleres interesadas poden solicitar información na área de Formación e Emprego. 

Reinicia

Tamén este mes finaliza a décima edición do programa Reinicia e dará comezo unha nova edición, con oferta de cursos en dúas especialidades con moita demanda de traballadores, carpintería e  atención socio-sanitaria a persoas dependentes en institucións.  “Hai 20 prazas e 10 son para Fene”, destacou a concelleira.