Once concellos da zona recibirán maís de 1.200.000 euros grazas ó canon eólico. A cuantía dos ingresos dependerá das dimensións do parque eólico, e é que dependendo do número de aeroxeradores, a empresa xestionaria do parque terá que ingresar cantidades diferentes. Os parques que teñan máis de catro máquinas pagarán por cada unha delas 2.300 euros, un parque entre 8 e 15, 4.100 euros e aqueles que posúan máis de 15 deberán aboar 5.900 euros por cada un dos aeroxeradores. Nas tres bisbarras a día de hoxe hai 618 muíños, que aportarán uns ingresos de case un millón de euros. Os 200000 restantes proceden das conexións eléctricas. Para algúns sectores, estas medidas recadatorias carecen de fundamento xurídico, xa que o gravame será aplicado tamén a todos aqueles parques postos en funcionamento antes da entrada en vigor do canon. Para a Asociación Profesional Eólica a medida é discriminatoria porque trata a enerxía eólica como se fose a única que tivese un impacto sobre o medio paisaxístico.