A Cruella de Vil so lle quedou un dálmata. Os outros cen deben andar festexando o Entroido. Esta mañá andaron buscando neles pola Casa do Concello de Fene. Tamén se presentaron en Radio Fene onde non lles puidemos dar razón de onde se agachan os cans. O que si lles contamos é que a Orquestra Marbella arrufa-rá esta noite a verbena do Entroido de Fene. A partir das nove da noite na Praza Ramón Souto. No mesmo lugar, as seis da tarde festa para a rapazada coa Guagua. Lambetadas para nenos e nenas que se acheguen disfrazados. E para os condutores un aviso. A xefatura da Policía Local informa de que se prohibe estacionar e circular na avenida do Concello, dende as 15.30 horas desta tarde ata o remate das tarefas de limpeza o xoves 19 de febreiro.