“O río estaba completamente cheo de todo tipo de enseres, rodas, bicicletas, sacos de escombros, madeiras…”, informa o rexedor. Ponse fin así ao seu estado de abandono. “Ata en tres ocasións fixemos informes e requerimentos por escritos á propiedade que non foron atendidos”. A parcela foille adxudicada ao Concello de Fene logo de varias poxas que quedaron desertas. Foran convocadas para compensar débeda contraída pola propiedade coa Deputación da Coruña. A urxencia era facerse con ela para limpar a zona. Despois decidirase a que proxectos se pode dedicar a zona que provisionalmente podería ser habilitada como aparcadoiro.Os traballos de limpeza, que rematarán nesta semana, van axudar a que o río teña máis fluidez para reducir o risco de inundacións. O alcalde agarda de que o resto de administración tamén tomen medidas.