A biblioteca municipal de Ordes celebrará o vindeiro mércores 23 de abril, Día do Libro, cunha xornada na que os nenos e nenas a partir de 4 anos de idade son os principais protagonistas. Dende as 18.30 horas, e completamente de balde, quen o desexe poderá desfrutar do espectáculo de monicreques ‘A casiña de chocolate’.

Non será a única cita para a vindeira semana xa que como é habitual o último venres de cada mes terá lugar unha nova cita das Tardes de contos e lendas. Nesta ocasión ofrecerase o relato ‘Conto contigo’. Novamente a hora do encontro está posta para as 18.30 horas.