As cintas premiadas neste primeiro Cinestable repartiranse máis de 800 euros entre as categorías de mellor curtametraxe, mellor curtametraxe en galego e mellor guión. As obras que se presenten en idioma galego optarán ao premio outorgado pola Asociación Cultural Proxecto Trasno, quen colabora tamén nesta iniciativa. Os asistentes á gala terán tamén a opción de votar cal lles pareceu a mellor curta das presentadas ao concurso. Deste xeito, Inestable.org quere tamén ter en conta a opinión popular e facer o festival un pouco máis interactivo.