Barallobre gozará coa música e co espectáculo dunha das orquestras galegas máis emblemáticas. Segundo confirmou a Radio Fene Luis Valencia, unicamente falta contar cos necesarios permisos do Concello de Fene de Portos de Galicia e da subdelegación do goberno. Como en calquera festa patronal, a comisión deberá suscribir unha declaración responsable diante do ente municipal. Unha dificultade engadida consistirá no acceso dos catro camións trailer da orquestra á explanada onde se ubicaba a nave de Fondomar. 

A París de Noia conta cun dos escenarios moviles máis grandes de Galicia, composto por unha infraestructura que se transporta en catro trailers e un camión pequeno. O escenario conta con 18 metros de fronte, 10 metros de profundidade e 11 metros de altura. Inclue tamén pantallas LED, equipos de son e iluminación. 

Imaxe das festas de Perlío. 2024.

Fotografía Xan Xe