O Moby Dick foi un dos locais máis emblemáticos das Mariñas, con máis de catro décadas de vitalidade. O seu propietario Modesto Pena "Lito" faleceu no pasado ano 2010. Lito dinamizara a vida cultural de Sada, desde os anos setenta. Organizou o primeiro festival rock da vila e foi tamén realizador de películas ademáis de impulsar festivais de cine.

O símbolo do Moby Dick era un combinado que se servía nunha palangana. O local convertiuse en punto de referencia da xuventude, dos moitos amigos e amigas de Lito. Agora, dous anos despois da morte do seu impulsor, o Moby pechará as súas portas na rúa do Río en Sada.