Minguante xurde como un proxecto casual no 2018, como dous amigos que queren compartir a experiencia de tocar en público cun proxecto de pequeno formato, algo un pouco distinto das súas experiencias individuais na música . A cousa empeza a poñerse seria cando se dan conta que o número de concertos chega case aos 200. Minguante xa é unha realidade.

A proposta era esa, concertos sinxelos, de pequeno formato no que os dous músicos, Miguel e Óscar, tocasen todos os instrumentos no escenario e nas gravacións. Minguante, que nace con espírito pequeno e cercano e medra co esforzo e a conexión natural do entendemento entre dúas maneiras de entender a música, a de Óscar, máis achegada ao indie e a de Miguel que abandeira o pop de autor.

A autoprodución é marca da casa, os seus temas son autoproducidos, Tamén no seu caso a pandemia animou a súa creatividade e, naquel 2020, publicaron o seu primeiro EP, "Minguante", con catro cancións que foron difundindo pola rede; e, en maio de 2022 editaron o seu primeiro disco baixo o título de "A incrible historia dos homes minguantes".

Miguel Alonso e Óscar Martínez, acaban de publicar “Pequenos incendios”, ou seu segundo disco. Un traballo editado ademais con moita atención na súa edición física en formato Libro-disco, para o que contaron coas ilustracións de Daniel Barbazán.

“Pequenos incendios” inclúe oito cancións orixinais do dúo, que ademais de compoñer temas, tamén interpreta todos os instrumentos e produce o álbum. Iso si, nesta ocasión quixeron contar con algunha colaboración, a de Juan Silva - batería en “Canción de amor express” e “Furacán” - e a de Caxade que aporta o seu acordeón e fai coros en “Rapaz”.

Señoras e señores, déixense prender nestes inofensivos e deliciosos “Pequenos Incendios”.