O cemiterio parroquial estaba nas proximidades da igrexa, ata que unha comisión cidadán decidiu trasladalo adquirindo uns terreos máis alonxados do edificio eclesiástico. O novo camposanto está presidido polos versos de Rosalia de Castro: "De polvo y sangre nacimos, fango y polvo nos tornamos, por qué, pues, tanto luchamos, si hemos de caer vencidos". A necrópole inaugurouse en 1927, sendo daquela o primeiro cemiterio civil do Concello de Fene. Unha xunta veciñal rixe ainda na actualidade os seus coidados. Conta con 336 nichos e 5 tumbas no chan.