Ata o 6 de novembro os alumnos participantes poderán entregar os seus traballos que serán expostos durante a Feira do Outono na Praza de Abastos de Allariz. Tódolos participantes veranse recompensados cun diploma e os gañadores, que se darán a coñecer o 8 de novembro ás 13:00h, no Pavillón do Instituto, obterán un premio consistente nun lote de material didáctico.

Bases do concurso

O X Concurso de Arte Plástica, ao que poden presentarse todos os alumnos de educación infantil, primaria e secundaria, ben sexa de maneira individual ou en grupo, xirará en torno ó Outono podendo ser debuxo, pintura, collage, ou calquera outra modalidade plástica.

Cada neno/a ou grupo poderán presentar un máximo de dúas obras establecidas en tres categorías: Educación Infantil, Primaria e Secundaria e deberán ser presentadas en soporto ríxido ou encadernadas.

Co lema de “o importante é participar” todos os nenos e nenas recibirán un diploma e os traballos serán expostos durante a Feira de Outono no Salón da Praza de Abastos.

O xurado determinado pola Concellería de Cultura e Educación será o encargado de seleccionar as obras gañadoras, que obterán premio consistente nun lote de material didáctico.

A recollida das obras terá lugar na Casa da Cultura de Allariz, no Colexio Padre Feijoo e no instituto, sendo a data límite o 6 de novembro.

A obra irá identificada cun “lema” e acompañado dun sobre pechado onde consten os datos do/s autor/es.