"Estase obviando aos ultras do Frente Atlético que é o segundo asesinato que teñen ás súas costas" salienta o parlamentario nacionalista. "Son precisas medidas drásticas que corten estes brotes de neonazismo" conclue Jorquera. "Estou perplexo polo tratamento deste caso por parte do Ministerio do Interior e de algúns medios de comunicación que culpabilizan a afección do Deportivo da Coruña" sinala o voceiro do BNG. Jorquera maniféstase contrario a todo tipo de violencia e aclara a súa distancia cos ultras de todo tipo de calquera equipo de fútbol. Fai especial fincapé na necesaria eliminación de todos os estadios de calquera símbolo ou cántico fascista ou nazi.