O Consorcio de Santiago e Teófilo Edicións acaban de publicar "La ciudad heredada. Evolución urbana y cambios morfológicos, Santiago de Compostela 1778-1950" do arquitecto e profesor compostelán Pablo Costa Buján. Mañá xoves, o alcalde de Santiago e presidente do Consorcio, Martiño Noriega, presentará a publicación na sede compostelá da Fundación Torrente Ballester (Rúa do Villar, 7), ás 20:00 horas. A publicación recolle ao longo de 380 páxinas a evolución urbana de Compostela durante preto de dous séculos, nun intervalo de tempo do que apenas existían estudos contrastados, segundo asegura o propio autor.