A peza ten como obxectivo cuestionar o sentido da muller, tanto como figura dentro da pantalla, como creadora fóra dela. A relación entre o concepto e a coreografía conforma unha plataforma a partir da cal os corpos se apropian do movemento dun xeito reflexivo, recontextualizando os patróns establecidos e abrindo campos de busca. A historia adquire importancia, ao igual que o guión e o traballo das bailarinas Emilia Pardo, Natalia Iglesias, Vanesa Otero e Celia Mayer.

Bstudio é unha compañía de danza contemporánea (danza-teatro) que ten como obxectivo desenvolver unha linguaxe persoal de “corpos reflexivos” que sirva para expresar emocións e sentimentos. Representa coreografías sociais, conta historias próximas ao público que esperten a súa curiosidade e reflexión dentro dunha plástica que penetre polos sentidos. A dramatización, a escenografía, o vestiario e a música amalgámanse coa danza para ir máis alá dun mero espectáculo de danza.