A actividade está impulsada polo Sergas e a Consellaría de Sanidade en colaboración coa Universidade e pretende preparar aos profesionais sanitarios ante casos de violencia machista cos que se poidan atopar na súa vida laboral. Outros dos fins do programa formativo é que os enfermeiros coñezan o manexo do protocolo de detección precoz.

Por outra banda, tamén se pretende fomentar habilidades para a escoita e comprensión das vítimas e estar en condicións de proporcionar información sobre os recursos sociais existentes na comunidade autónoma, así coma achegarse ao marco lexislativo e sobre todo á súa aplicación no ámbito sanitario. Para todo isto traballarase cunha guía de recursos, unha guía técnica e diversos programas.