Como unha “festa dolorosamente pracenteira" definen Os Festicultores Troupe o seu disco Os sadomusiquistas. Trátase do primeiro álbum da banda tras sete anos de traxectoria nos que, presumen, “revolucionaron o mundo das charangas” e ofreceron centos de actuacións, algunhas internacionais. O traballo contén dez temas novos e outros catro -aos que denominan “lategazos extra”- escollidos entre os seus éxitos anteriores.