Os IES de Ferrolterra debaten a súa participación na folga do xoves

Os IES de Ferrolterra debaten a súa participación na folga do xoves

19 de Xaneiro, 2010 - 12:00 h. | Publicada por Radio Fene

Os institutos de Ferrolterra rexistran unha mobilización inusitada nestes días. Tanto o alumnado como o profesorado debaten a súa participación na folga en defensa do idioma galego, convocada para este xoves.

A plataforma Queremos Galego insiste na necesidade de retirada do borrador do decreto presentado pola Xunta de Galicia, para retornar ao consenso social. Coas medidas propostas, trasládase ás aulas un conflicto que antes non existia. Todos os organismos europeos e da UNESCO, insisten na necesidade de promoción da lingua, segundo salientan os voceiros da entidade.

Os autobuses para a manifestación de Santiago sairán o xoves ás dez da mañá do teatro Jofre. As persoas interesadas deberán reservar praza, para o que poden contactar co teléfono de Ferrol 981 358750.

Sociedade
  • 121 lecturas