As doce do mediodia soaron as campás  e sairon ás rúas os xigantes, chamados mómaros en Pontedeume, e os cabezudos, precedidos e seguidos pola rapazada que amosou ledicia, medo e berros. As 21,30 desta noite na Praza do Conde gran concerto de música trad de Xavier Díaz e as Adufeiras do Salitre. Entrada de balde.

Mañá martes celébrase o dia da virxe das Virtudes ou virxe das Peras, con misa e procesión. Tamén mañá a mediodia no peirao celébrase a cucaña marítima, dende unha grande barca cun longo pau ensebado e entre as duas pontes,a de ferro e a de pedra. Rematando a cucaña terá lugar a gran queima do tradicional galán e dunha traca de artificio. 

Tradición e novas actividades

Para o xoves programan na Alameda de Raxoi unha festa infantil de seis da tarde a nove da noite con xogos inchables, cama elástica e inchabeis. Este ano tamén contan con baños públicos nos laterais do mercado. Fan un chamamento ao civismo para utilizar os contenedores da praza. 

Segundo Xose Paz, no Cancioneiro Popular Eumes, a comezos do século XIX abundaban o viño e as froitas en toda a comarca do Eume. O Concello, en vista da abundancia delas, acordou celebrar grandes festas na praza de San Roque a fin de conseguir a venda dos productos. As xentes responderon ao chamamento quedando establecidas as festas das Virtudes, bautizadas pola cidadanía como Festas das Peras, polos moitos froitos que nela se vendían. 

Como dicia Pérez Parallé no seu poema Hei de vir, virei (cantiga a Pontedeume):

Os mariñáns na ribeira

cantan á festa do dia,

a mociña marisqueira,

ai la,la,la

Vair reloucar na badía

Hei de vir a festa

hei, moza,chegar

e polas Virtudes

contigo beilar.