Apoio ao comercio local, no que podemos comprar de todo sen saír de Fene. Destacou a concelleira Ángeles Coira sobre esta cita que se celebra ata o domingo 9 de marzo, coa participación de dezaoito establecementos feneses. Durante tres días ofrecen descontos especiais en produtos de moda, calzado, complementos, deporte e xogos entre outras cousas. Os comercios que se sumaron a esta nova edición do Outlet son: A Tenda Agasallos, Berline Boutique, Bualá, Calzados Locay, Cáprica Cómics y Juegos, DaMa Fene, El Baúl de Bego, Jomer, Kenia, Koralli Boutique, Lencería Loly Calvo, Lualé 114, Más Sport, Mayka Moda, Costuras Mercería e Lencería, ZSR Zapatería, Un Pedacito de Mí e Mi Pachu.

Con motivo da celebración do Outlet, ampliarán o seu horario de atención ao público ata o domingo pola mañá. O evento desenvolverase nos seguintes horarios: venres e sábado, de 10:00 a 13:30 e de 17:00 a 20:00 h; e domingo de 11:00 a 13:30 h.