Os monicreques demostran o seu “flow”

Os monicreques demostran o seu “flow”

22 de Abril, 2012 - 12:00 h. | Publicada por Radio Ordes

A compañía de monicreques Viravolta e García MC, membro de Dios ke te Crew, unen as súas forzas en Titerehop. Esta iniciativa formativa, que está a percorrer os distintos recunchos de Galicia como parte do programa FalaRedes, diríxese a rapaces de entre 13 e 18 anos. Inclúe dous obradoiros -un de hip hop e outro de “construción dun títere que cante”- e conclúe cunha posta en escena do aprendido na que a mari

O obxectivo principal do proxecto é promover o galego entre a mocidade, pero desde a compañía Viravolta coidan que pode servir tamén para achegar o mundo dos monicreques a este sector poboacional. “Pensan que os títeres son exclusivamente para nenos, así que temos constantemente que loitar contra ese erro”, explica Anxo García. 

Titerehop é unha das tres iniciativas do programa FalaRedes, posto en marcha pola Secretaría Xeral de Política Lingüística para a Rede de Dinamización Lingüística. Para os nenos de 6 a 12 anos diríxese unha pequena caravana que proxecta curtas de animación en galego e para o público familiar esta pensado o espectáculo de contacontos O señor das dunas. En total, FalaRedes prevé 250 sesións en 90 escenarios diferentes. 

Cultura
  • 282 lecturas