Durante a xornada do domingo haberá obradoiros, exposición e venda. Os que se acheguen ás once da mañá poderán ver unha demostración de cestería en vivo, na que se fabricará un cabaceiro de varas, un valado, unha árbore de vimbio e unha grade de corres. Os máis pequenos poderán iniciarse no mundo da cestería ás once e media no obradoiro adicado ós máis pequenos. Todas estas actividades estarán ambientada polo grupo “Ronda Auriense”.

Santa Mariña alberga dende hai tres anos a Escola de cestaría, coa que se recupera a tradición artesanal propia da zona ao mesmo tempo que se aplica unha programación de dinamización social e económica. Ademais, nesta escola preséntase de forma permanente unha exposición de cestaría de Galicia e do Norte de Portugal cunha ampla mostra de pezas que permite a divulgación deste labor.