Os actos do remate do Entroido de Laza principiarán pola saida do testamenteiro. Fará un relato en verso de todo o acontecido no ano. Logo repartiráse o burro entre os veciños e veciñas significadas aos que lle ocurrira algunha anécdota nestes últimos tempos. Todo finalizará co enterro e a queima do Entroido.

Moitas versións existen sobre as orixes deste peculiar Entroido de Ourense. Hai quen se remonta ás festas paganas dos romanos, e quen situa na Idade Media o comezo da orixinal xolda, equiparando os peliqueiros aos cobradores de impostos do condado de Monterrei.