ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O libro “Os pinceis de Artemisia. Experiencias de formación para a equidade de xénero”, publicado en castelán na primavera deste ano; publícase tamén en lingua galega e faise a súa presentación o próximo 13 de outubro ás 18.00 horas, en Santiago de Compostela, na Fundación Novacaixagalicia. Asistirán ao acto, Encina Villanueva, coordinadora da publicación; Larry José Madrigal e Walberto Tejada, do prog
A nova publicación, dirixida a profesionais da educación, persoal técnico de ONGDs e administracións públicas, afronta a formación para a equidade e ten como meta lograr unha cidadanía equitativa, non sexista e comprometida cos dereitos humanos das mulleres.
A publicación xéstase no marco do proxecto: “Sistematizando metodoloxías exitosas para traballar a equidade de xénero en Educación para o Desenvolvemento”, financiado pola Axencia Española de Cooperación Internacional (AECID). Publicouse en castelán, catalán, éuscaro e galego.
A educación é unha condición indispensable para o logro dunha sociedade máis equitativa, e esta publicación quere contribuír á promoción de sociedades máis xustas. As nosas sociedades xeran inequidade cando promoven políticas económicas e sociais que profundan as desigualdades e desde un sexismo que prexudica a mulleres e nenas.
O libro repasa brevemente a historia do feminismo, o movemento de mulleres e a práctica educativa para finalizar con propostas metodolóxicas sobre teoría de xénero, dereitos das mulleres e linguaxe inclusivo, entre outros temas.