Os problemas das cremas solares

Os problemas das cremas solares
08 de Abril, 2021 - 04:39 h. | Publicada por Radio Redondela

Chega o sol, e con el a asistencia ás praias e o desexo de dourar a pel. Hoxe poñemos en cuestión a función dos protectores solares. En principio véndense con factor de protección 15,30 e 50 números que en teoría indican canto tempo podemos expoñernos ao sol sen queimarnos. Poñemos por exemplo o protector con factor 30. Dez minutos ao sol multiplicados por 30 dan 300 minutos de protección.

ESCOITA O PODCAST:
Praia na Illa de Arousa. Setembro 2020

Margarita Rodríguez de 4 ECO Narón avisa que isto non é todo porque estes protectores solares actúan contra os raios UVB pero non son eficaces contra os raios UVA ademais de que teriamos que ter en conta o tipo de pel. Hai un perigo a destacar e ter en conta, que os protectores solares penetran ata o sangue transportando substancias químicas que absorbe a pel. Se lemos as etiquetas podemos comprobar as substancias que conteñen. Por iso Rodríguez recomenda usar “bloqueadores” máis naturais a base de óxido de zinc, sen efectos secundarios e eficacia probada. Outro aspecto a ter en conta é a contaminación que provocan os protectores solares no mar. Canto menos ecolóxicos e biodegradábeis, van afectar negativamente á flora e fauna mariñas.

Sociedade

Publica o teu comentario agora