En relación á condena do xulgado do Social Nº2 de Ferrol, segundo José Tomé, trátase dunha sentenza firme que condena solidariamente á directora xeral, é dicir, ás tres persoa físicas por igual, Díaz, seu irmán e seu pai; e considerándose os feitos como probados. O portavoz socialista considera este asunto como moi grave e amosou a súa sorpresa polas loanzas da conselleira á propia Ana María Díaz e polo mutismo e parálise de Núñez Feijóo neste asunto.

Tomé pediulle ao presidente da Xunta que remate cun “circo que non beneficia ao tecido laboral galego”, se quere seguir falando de “rexeneración democrática&rdquo. En canto ás declaracións de Beatriz Mato referíndose á directora xeral como profesional e honesta, o socialista pediulle rigor e que faga cumprir a lei. Por último, e en relación á nova demanda contra a directora xeral polo outro despedimento improcedente, o socialista asegurou que Díaz non é trigo limpo e que alguén que acumula tantos “méritos” non pode ter un cargo de responsabilidade pública.