Os Tabernícolas na andaina de Por + vida

Os Tabernícolas na andaina de Por + vida
12 de Xuño, 2025 - 12:52 h. | Publicada por Radio Fene

A Andaina da asociación Por + vida cumpre dezasete anos e quere ter unha lembranza para as persoas falecidas por esa doenza. Tamén manda unha mensaxe de apoio ás familias que o están a pasar mal polo cancro, segundo o psicólogo José Barcia Tuccelli que reitera que "o cancro é unha realidade que ten que continuar sendo atendida. Entre outras actividades, o Concello de Fene mantén un programa de ximnasia oncolóxica a partir do cal naceu a asociación que organiza a marcha deste domingo."É necesario ter empatía coas persoas que o padecen" conclúe.

ESCOITA O PODCAST:

José Barcia Tuccelli no programa Vilanova falou da Andaina de Por + vida e do caso dos rapaces que se disfrazaron de fontaneiros e pasaron 27 horas pechados nun estadio para asistir á final da Champions:

https://redefusion-eu.us.stackstaging.com/audio/120625BARCIA.mp3

Fotografia Xan Xe

Laura Cruz preside neste momento a entidade. Este domingo ás dez e media da mañá comezarán a repartirse os dorsais na Praza Ramón Souto de Fene. As once realizarase a saída polo percorrido habitual por Mundín. Ao chegar de volta actuará cunha exhibición o grupo de baile Maydance. Jesús Victoria do grupo Os Tabernícolas Ferroláns lerá o manifesto e logo haberá un xantar solidario no Circulo de Perlío. Servirase churrasco ao prezo de 20 euros. As persoas interesadas aínda se poden apuntar este venres. Xa hai máis de cen comensais e Os Tabernícolas Ferrolán amenizarán o xantar. 

A Andaina Por + vida conmemora a posta en marcha dun programa de ximnasia oncolóxica no Concello de Fene. 

 

Na imaxe andaina Por + vida do 2023
 

Sociedade
  • 950 lecturas

Publica o teu comentario agora