A folga afecta a todas aquelas instalacións deportivas non xestionadas directamente pola Administración e que funcionan na meirande parte dos casos a través de concesións a empresas privadas.As protestas lévanse a cabo para reclamar melloras no convenio colectivo deste sector fundamentalmente no que se refire ó incremento salarial. Os sindicatos piden á patronal que se aplique un incremento progresivo dos soldos para conquerir que estes traballadores poidan chegar a ser cando menos "mileuristas". Os salarios da meirande parte deles rondan agora os 700 euros. Pola súa banda a patronal ofrécelles un incremento de pouco máis de 100 euros e fai a súa oferta para dous anos.