Numerosos actos lembraron os feitos. Escoitamos de seguido as voces dalgúns dos protagonistas daqueles sucesos. No arquivo sonoro de Radio Fene atopamos as palabras dos que xa nos deixaron. Cinco homes e mulleres que viviron na comarca aqueles feitos e que xa faleceron. Eran as palabras de Xosé María Riobó, dirixente de Comisións Obreiras e xurado de empresa de Bazan en 1972, Manuel Amor Deus, dirixente de Comisións que pasou 4 anos no cárcere, Julio Aneiros, ferido de gravidade o 10 de marzo de 1972 en Ferrol, Xosé Fernández Barcia, sindicalista nacionalista e ex alcalde de Mugardos. Paloma Rodríguez, mestra no colexio Centieiras de Perlío, representante do PSOE e activista do feminismo, falecida hai un ano e homenaxeada este oito de marzo polo Concello de Ferrol, falaba do patriarcado e das súas publicacións.