Para non perder a identidade

Para non perder a identidade
23 de Febreiro, 2026 - 01:00 h. | Publicada por Radiofusión

Non queremos perder a identidade, afirmaron as persoas organizadoras do Entroido de Samede, en San Xulián de Vigo, Paderne. Bonitos, carolos e vexigueiros desfilaron nunha comitiva que percorreu boa parte das vivendas do lugar e rematou co baile da tradicional muiñeira cruzada. Un xantar, o enterro do policarpo e unha foliada integraron esta festa recuperada en 2015. O sol acompañou a celebración nunha xornada de domingo na que Samede recibiu a visita de moita xente participante do Entroido máis enxebre e máis natural da comarca das Mariñas.

Entroido de Samede

De onde vimos? Que lle debemos á xente que nos precedeu? Que compatirmos con eles? Esas preguntas faise a organización do Entroido de Samede. Eles non queren un Carnaval espectáculo, teñen algo que contar, devolver a historia dunha aldea, de como celebraban unha festa moi sentida. Divírtense, troulean, cantan e bailan. van "revestidos", non disfrazados, e rebosan autenticidade. 

Cultura
  • 193 lecturas

Publica o teu comentario agora