ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os fillos dos inmigrantes son españois con plenos dereitos e deberes. Asegurao así o presidente da asociación hispano-ecuatoriana Rumiñaui Vladimir Paspuel. Precisamos realizar un esforzo nesa dirección porque se non, teremos unha sociedade fracturada. Ese é un deber tanto da sociedade receptora como do grupo migrante.
Segundo a asociación Rumiñahui, o fenómeno da interculturalidade debe ser recíproco e bidireccional. Os inmigrantes deben manter os elementos positivos da súa cultura pero tamén aprender outros valores.
A asociación Rumiñahui en colaboración co Concello de Ferrol organiza neste mes de decembro 4 encontros pola interculturalidade. Desenvolven un curso de formación de monitores, un obradoiro de grupos de danza e elaboración de traxes típicos, un programa en Radio Filispín e clases de comidas do mundo.
Rumiñahui é unha organización hispano-ecuatoriana sen ánimo de lucro. Defenden e reivindican os dereitos das persoas migradas, ao tempo que tratan de facilitar a súa integración e mellorar a calidade de vida e a das súas familias.
Este sábado celébrase o Dia Mundial das Persoas Migrantes. No Cantón de Molins de Ferrol instalouse unha carpa con actividades dende esta mañá. As seis da tarde comezará a degustación de produtos típicos de diferentes paises. Serviráse unha chiculatada. Logo sesión de músicas co grupo de Burela Batuko Tabanka, entre outros. No Cantón abreuse esta mañá a cuarta feira de comercio xusto Nadal Solidario.