Unha peixería que, lonxe de achegarnos pescadas e robalizas, ofrecía a un público asombrado “capturas” recollidas polo alumnado nas praias do Concello, lixo, plásticos, restos contaminantes que forman parte da degradación do medio mariño, ese gran pulmón que sustenta a vida na terra. 

Un acto reivindicativo para defender a importancia do auga como un Dereito Humano fundamental e sobre a súa vinculación coa sustentabilidade, levado adiante polo  alumnado de 4º da ESO do IES de Fene, participantes activos das actividades planificadas polo Fondo Galego de Cooperación e Solidariedade, dentro do proxecto “People & Planet: un destino común” ten como obxectivo concienciar ás mozas e mozos europeos sobre as graves consecuencias do cambio climático para convertelos en axentes de transformación na procura dun mundo máis sustentable.

O modelo escollido para esta reivindicación é a utilización de técnicas da comunicación de guerrilla para deseñar e poñer en marcha “accións de rúa” que, a través do enxeño e a creatividade, realicen actos que provoquen unha reflexión na cidadanía.

A importancia de que cada un de nós sexa axente de cambio, transmitido a través dunha xeración que, seguramente, están máis concienciados e queren evitar o desastre climático que lles imos entregar en herdanza.

Porque incuso aquí, no país da auga, temos que ser conscientes de que o acceso ao líquido elemento é un dereito humano fundamental.