O alumeado de Nadal acenderase o venres, día 5, ás seis da tarde. A alcaldesa convidou a veciñanza a sumarse ao acto e tamén a participar no Concurso de Decoración de Nadal convocado pola Concellería de Promoción Económica que este ano incorpora unha nova modalidade, a de escaparatismo dirixida a comercios e establecementos de hostalaría.

Para que cativada e maiores gocen do ocio hai previstos numerosos actos culturais e unha variada oferta deportiva. Sandra Permui destacou que se favorece a conciliación familiar con actividades como o Campanadal. Este mércores abriu o prazo de inscrición para o Campanadal e para os cursiños de patinaxe da programación da Concellería de Deportes. As actividades organizadas pola Concellería de Cultura inclúen contos, teatro, música e danza. Hai variedade de actos que se celebrarán na Casa da Cultura e tamén nas sociedades.